- ຄຸ້ມຄອງເອກະສານຂາອອກ-ຂາເຂົ້າ, ສຳເນົາເກັບມ້ຽນ ແລະ ວຽກເລຂານຸການ
- ເຂົ້າຮ່ວມ ແລະ ເຮັດບົດບັນທຶກສ່ອງແສງປະຈຳອາທິດ, ບົດສະຫຼຸບປະຈໍາເດືອນ, 03 ເດືອນ, 06 ເດືອນ, 09 ເດືອນ ແລະ ປະຈໍາປີຂອງກົມ;
- ສົມທົບກັບບັນດາພະແນກການພາຍໃນກົມ ແລະ ອົງການຈັດຕັ້ງມະຫາຊົນ ກະກຽມສະຖານທີ່ຈັດກອງປະຊຸມຕ່າງໆຂອງກົມ, ພ້ອມທັງເຮັດໜ້າທີ່ປ້ອງກັນຄວາມສະຫງົບ ຕາມສຳນັກງານອົງການ ໃຫ້ມີຄວາມປອດໄພ ແລະ ເປັນລະບຽບຮຽບຮ້ອຍ;
- ອຳນວຍຄວາມສະດວກໃນການເຄື່ອນໄຫວວຽກງານຢູ່ໃນຂັ້ນສູນກາງ ແລະ ທ້ອງຖິ່ນ ໃຫ້ແກ່ຄະນະ ກົມ, ພະນັກງານພາຍໃນກົມ ແລະ ບັນດາພາກສ່ວນກ່ຽວຂ້ອງ;
- ສົມທົບກັບດາພະແນກການພາຍໃນກົມ ເກັບກຳ, ຂຶ້ນບັນຊີຊັບສົມບັດຄົງທີ່, ບັນຊີພາຫະນະ ແລະ ອຸປະກອນຮັບໃຊ້ຂອງກົມ ເຂົ້າໃນລະບົບຖານຂໍ້ມູນ ພ້ອມທັງຕິດຕາມ, ກວດກາ ການຄຸ້ມຄອງ ແລະ ນຳໃຊ້ ໃຫ້ເປັນລະບົບ ແລະ ຖືກຕ້ອງຕາມລະບຽບການ;
- ຄົ້ນຄວ້າ, ສ້າງແຜນຈັດສັນດຸ່ນດ່ຽງ ແລະ ນຳສະເໜີຍຸບ, ສະສາງຊັບສິນ ທີ່ຂຶ້ນກັບກົມ ເພື່ອສະເໜີຂັ້ນເທິງພິຈາລະນາພ້ອມທັງສະຫຼຸບກວດກາສູນໂມງ, ບັນຊີຊັບສິນຂອງກົມ ຕາມກົດໝາຍ ແລະ ລະ ບຽບການ;
- ຕິດຕາມສັງລວມຄ່ານ້ຳປະປາ, ໄຟຟ້າ, ໂທລະສັບ, ວາລະສານ, ໜັງສືພິມ ແລະ ອື່ນໆ ເພື່ອນຳສະເໜີຂໍອະນຸມັດຊຳລະ ຕາມລະບຽບຫຼັກການ;
- ຊ່ວຍຄະນະພະແນກ ໃນການຄົ້ນຄວ້າ ແລະ ກຳນົດຕຳແໜ່ງງານ ຕາມລະບຽບການ ແລະ ຄໍາແນະນໍາຕ່າງໆທີ່ກ່ຽວພັນກັບວຽກງານຄຸ້ມຄອງລັດຖະກອນ;
- ກຳນົດລະບຽບການ, ສອບເສັງຄັດເລືອກລັດຖະກອນ, ຄົ້ນຄວ້າ ແລະ ນຳສະເໜີບັນຈຸ, ສັບຊ້ອນພະ ນັກງານ-ລັດຖະກອນ ເຂົ້າໃນແຕ່ລະຕຳແໜ່ງງານ ພາຍໃນກົມ ໃຫ້ເໝາະສົມ ເພື່ອນຳສະເໜີຂັ້ນເທິງພິຈາລະນາອະນຸມັດ;
- ກວດກາບັນຊີສັງລວມຈຳນວນພົນ ແລະ ຊັ້ນ-ຂັ້ນເງິນເດືອນ ຂອງພະນັກງານ-ລັດຖະກອນ ໃນແຕ່ລະງວດໃຫ້ເປັນປົກກະຕິ ແລະ ທັນຕາມກໍານົດ ເວລາທີ່ວາງໄວ້;
- ສັງລວມ ຕີລາຄາ ປະເມີນຜົນການປະຕິບັດໜ້າທີ່ວຽກງານຂອງພະນັກງານ-ລັດຖະກອນພາຍໃນກົມ ເພື່ອຄົ້ນຄວ້າ ແລະ ສະເໜີຂັ້ນເທິງ ພິຈາລະນາເລື່ອນຊັ້ນ-ຂັ້ນເງິນເດືອນ, ການປະຕິບັດນະໂຍບາຍຍ້ອງຍໍ-ຊົມເຊີຍ, ປະຕິບັດວິໄນ ແລະ ນະໂຍບາຍຕ່າງໆ ຕາມກົດໝາຍ ແລະ ລະບຽບການ;
- ຄຸ້ມຄ້ອງສັງລວມຊີວະປະຫວັດພະນັກງານ-ລັດຖະກອນ ພ້ອມທັງກຳນົດແຜນກໍ່ສ້າງ, ບຳລຸງ, ຍົກລະດັບພະນັກງານ-ລັດຖະກອນ ໄລຍະສັ້ນ, ກາງ ແລະ ຍາວ, ການຝຶກອົບຮົມທິດສະດີການເມືອງ ແລະ ວິຊາສະເພາະ ທັງພາຍໃນ ແລະ ຕ່າງປະເທດ;
- ປະຕິບັດໜ້າທີ່ອື່ນ ຕາມການຕົກລົງ ແລະ ມອບໝາຍຂອງຂັ້ນເທິງ.